Giza katea
Donostia, Bilbo eta Gasteiz batzen dituzten 201,9 kilometroko giza katean 175.000 euskal herritarrek parte hartu zuten, eskutik helduta. Erabakitzeko eskubidea ardatz hartuta, Euskal Herrian bizirik dauden aldarrikapen ugari batu zituen egitasmoak: “Herri bezala dugun gaitasun kolektiboa erakusten ari gara kalean. Aldarri horien guztien muinean erabakimenaren auzia dago. Bertan, Euskal Herrian, erabakitzeko beharrak elkartzen gaitu”. Erabakitzeko 2019 arrazoi jasotzen dituen Herritarron Ituna aurkeztu zuten 2018ko ekainaren 10 hartan.