Mosaiko erraldoia
2014ko azaroaren 8an 10.000 lagunek inoiz egin den pertsonez osaturiko mosaikorik handiena osatu zuten Donostiako Zurriola hondartzan. Ekimenak bi helburu zituen: batetik, Euskal Herriak erabakia gauzatzeko bere bidea eraikitzen ari zela adieraztea eta, bestetik, Kataluniak azaroaren 9an egin behar zuen galdeketari babesa ematea eta eskoziarrak urrian egindako galdeketagatik zoriontzea. Bertaratutako lagunek hautetsontzi erraldoi bat irudikatu zuten, Euskal Herriak bere bidea abiatu eta bere hautetsontzia edukiz bete behar zuela adierazteko: http://youtu.be/6v7vqxAwFJg