Nazioarteko Konferentziak

Apirilean, Gure Eskuren Itsasargia Nazioarteko Konferentzia ospatu zen Ficoban (Irun). Jon Olanok moderatutako lehenengo mahai-inguruak, “Lurralde gatazken konponbidea Europako eremuan” izenburupean,  Euskal Herriko, Kataluniako eta Galiziako kazetariak elkartu zituen; hots, Iñaki Soto (Gara), Ferran Casas (Nacio Digital) eta Maria Obelleiro (Nós Diario). Bigarrenean, Zelai Nikolas moderatzaile lanetan eta  “Herritarron aktibazioa olatu subiranista berrian” hizpide, Patricia Mac Bride irlandarra (Ireland´s Future), Elena Jimenez katalana (Omnium Cultural), Maggie Lenon eskoziarra (Women for Independence) eta Josu Etxaburu euskalduna (Gure Esku) izan genituen mahaiaren bueltan.

Bi mahai-inguruen artean agerraldi politikoa egin genuen eta bertan, Josu Etxaburu bozeramaileak eta Irantzu Perello abokatuak Itsasargia eztabaida prozesuan adostutako proposamen politikoa plazaratu zuten.