Tripontziak 74.000€ banatu ditu Deustun

‘Tripontzia burujabetzara bidean’ komiki digitalaren salmenta sustapenarekin batera, 94.000 euroko zozketa abiatu zuen joan den irailean. Lau hilabete eta gero, gaur goizeko 09:30ean egin da zozketa, Beasainen, notarioaren aurrean, eta baditugu zenbaki saridunak.

Zenbaki irabazlea Deustun (Bilbo) saldu da: 08121. 60.000 euroko sari nagusia zenbaki horren ‘Lapurdi’ serieak irabazi du. 2.000€-ko sariak eramango dituzte, zenbakiaren gainerako serieak dauzkatenek: Araba, Bizkaia, Gipuzkoa, Nafarroa, Nafarroa Beherea, Zuberoa eta Diaspora.

Bigarren zenbaki sariduna Azpeitian saldu da: 24628, eta 1.500 euro jasoko ditu zenbaki horren serie bakoitzak.

17541 da hirugarren zenbaki sariduna, Aieten (Donostia) saldua. 1.000 euro jasoko ditu zenbaki horren serie bakoitzak.